Tilfar til 3 verðir

1 rukkulakki

1 vinstur

1 keppur

1 dl av reyðvíni

1 dl av vatni

3 hvítleyksfet

1 ds av hakkaðum tomatum

1 gularót

1 stelk av blaðsellarí

2 leykir

1 ds av kikkertrum

1 pottur av persillu

2 lavrberjabløð

Salt og pipar

Mannagongd

Reinsa keppin, rukkulakkan og vinstrið, og legg tey í eina grýtu. Stoyt so mikið av vatni í grýtuna, at vatnið hylur avroðini. Stroyð eitt sindur av salti í vatnið og lat kóka í 15 min.

Sker ein leyk í 4 stykki og legg stykkini í eitt fat saman við keppi, rukkulakka, vinstri, reyðvíni, vatni, hvítleyki og 1 lavrberjablaði. Pakka fatið inn í stanniol, og set fatið í ovnin í 12 tímar á 80 hitastig. Ert tú í tíðarneyð, kanst tú seta fatið í ovnin í 2-3 tímar á 150 hitastig.

Sker hin leykin, gularótina og stelkin av blaðsellarí smátt og steik tey í olju á miðal hita. Vend síðani tomatirnar og 1 lavrberjablað í pannuna og minka um hitan. Lat grønmetið smákóka í 30 -45 min. Smakka til við salti og pipari.

Sker keppin, rukkulakkan og vinstrin í tunnar dálar og vend dálarnar í tomatsósina saman við kikkertunum. Gev blandingini eitt uppkók og borðreið rættin við hakkaðari persillu omaná.