Tilfar til 3 verðir

2 hjørtu

500 g av lambsfeitti (Øll sløg av feitti ella olju kunnu nýtast)

1 salat høvd

200 g lítlar tomatir

50 g bókhveitikjarnur

Salt og pipar

Rómadressingur:

2 dl rómi

Saftin frá 1 sitrón

2 spsk rørsukur

Salt og pipar

Mannagongd

Sker hjørtini í 2 hálvur og reinsa tær fyri blóði. Legg síðan hjørtuni í eitt fat og kryddað við salt og pipar.  Smelta feittið og stoyt tað omaná hjørtuni. Feittið skal hylja hjørtuni. Pakka fatið inn í stanniol, og set fatið í ovnin í 3 tímar á 140 hitastig. Set síðani hjørtuni at kølna, so at tú kanst skera tey í tunnar dálar. Tú kanst endurnýta feittið. Feittið heldur sær í minsta lagi 6 mánaðir í køliskápinum og í minsta lagi 1 ár í frystiskápinum.

Sker tomatirnar í helvt og legg tær í eitt fat við olju og salti og pipari. Set fatið ovarliga í ovninum og grilla tomatirnar í 10-15 minuttir á 150 hitastig. Hygg eftir tomatunum og tryggja tær, at tær ikki fáa ov nógv. Set síðani tomatirnar at kølna.

Rista bókhveitikjarnurnar á pannu í nakrar minuttir á miðal hita.

Vaska og sker ella rív salatið í smærru stykki.

Rómadressingur:

Lat sukrið og sitrónsaftina í eitt ílat við loki, og rist ílatið, so at sukrið upploysist. Stoyt síðani róman í ílatið, og rist ílatið til blandingurin kennist tjúkkur. Smakka til við salti og pipari.

Legg salatið í eina skál og vend tað í rómadressinginum. Legg síðani hjørtuni, tomatirnar og bókhveitini omaná salatið.